۱۵ کال وړاندی امریکا او ملاتړو یی زمونږ بی‎دفاع او بی‎ګناه خلک د «ترهګرۍ پر وړاندی جګړې» تر نوم لاندی بمبار کړل او افغانستان یی تر پوځي ولکی لاندی راوست. د امریکا پوځې لاسوهنو پرته له ګمانه زمونږ د خلکو پر مخ د درد، رنځ او بدمرغیو نوی پاڼه پرانیستله او یو وار بیا یی د طالبی ترهګرو پر ځای د جهادی ترهګرو په واکمنولو سره زمونږ هیواد یی بیاځلی د بنسټ‎پالۍ، ښځو ضد، فساد، بی‎امنۍ، بیوزلۍ، بیکارۍ، د مخدره توکو تولید او قاچاق، د ملی شتمنیو لوټ، د سیمې هیوادونو لاسوهنې او په زرګونو نورو ناخوالو کی ډوب کړ.

په هماغه لومړیو کی چی طالبی ځناور د امریکایی «بی ۵۲» ګزارونو له امله له کابل څخه وتښتیدل او جهادی جنایت‎کونکی د سی‎آی‎ای په شلګۍ سپاره ښار ته راننوتل، «راوا» وړاندوینی کړی وی چی نن له یوې‎نیمی لسیزی وروسته خلک د هغو ریښتنولی په ډاګه لیدلی شی. مونږ په ۲۰۰۱ کال د نوامبر په ۱۳مه نیټه ملګرو ملتونه ته په یو غوښتنلیک کی ویلی وو: «له کابل څخه د طالبی ترهګرو په شا تګ یو مثبت بدلون دی خو ښار ته د شمالی ټلوالې لوټمارانو او تیری‎کونکو راتګ د کابل دوه میلیونه وکړو ته چی د ۱۹۹۲ څخه تر ۱۹۹۶ پوری کوم ټپونه خوړی او تر اوسه ندی درمل شوی، یو ویرونکی او لړزونکی او ناآرامه کونکی خبر دی.» له ۱۱ سپتامبر څخه یو کال وروسته «راوا» د ۲۰۰۲ کال د سپتامبر په ۱۱مه په یوې اعلامیه کی ویلی وو: «سر پخوونکی پاڅیده، سپی یی پر ځای کښیناست!، امریکا د طالبی ترهګرو پر ځای د «شمالی ټلوالی» جهادی ترهګر واکمن کړل.» د افغانستان د خلکو پر وړاندی د امریکا دغه خیانت د افغانی بنسټ‎پالانو څخه د څلویښت کلن ملاتړ تر څنګ د بخښلو وړ ندی.

لنډه داچی د ع او غ لاسپوڅي رژیم د کابلیانو پر ټپونو د مالګې په دوړولو، په یو کرکجن حرکت کی، له ګلبدین دغه جنایتکاره ترهګر سره تړون لاسلیک کړ ترڅو هغه یو وار بیا د خپل انډوخر او توغندیو توغولو زرګونو تنو قربانیانو وینې تر پښو لاندی کولو سره، ډګر ته راشی او د لویدیځ او امریکا روزونکو او څارګرو دسترخوان ته ورګډ شي.

وینې‎څښونکي ګلبدینیان د څو میاشتو خبرو اترو وروسته په پایله کی په دی وتوانیدل چی د خپل مشر خوسا مړی په اوچته بیه امریکا او د غنی لاسپوڅي دولت ته وړاندی کړي. په داسی حال کی چی زمونږ په میلیونونو هیوادوال د بیوزلۍ او نیستۍ شپې او ورځې تیروی او د ټیټ‎پوړو دولتی چارواکو، استا‌ذانو او د پولیسو او اردو عسکرو تنخوا په میاشتو-میاشتو نه ورکول کیږي، د دولت هیوادپلورونکو او چوپړو چارواکو او تش په نوم د سولې شورای ددغه ملی خاین د امنیت خوندی کولو لپاره لویه بودیجه ځانګړی کړی ده. زرګونو ګلبدینیانو ته بی‎کچې امتیازاتو ورکولو سره لکه ښارګوټی او د اوسیدلو ځای او په دولتی څوکیو کی د هغوی ټومبل، ددغو انسان وژونکو لاس به زمونږ د خلکو په وژنه او ربړونه کی لا پراخه کړي.

امریکا په پایله کی پریکړه وکړه چی ګلبدین خپله کنچنۍ زیږنده، د زرګونو هیوادوالو او آزادۍ‎غوښتونکو او انقلابی روڼ‎آندو وژونکی چی د روسې ضد جګړه کی یی تر خپل وزر لاندی نیولی وو او د مالی او وسلو ستره ونډه یی هغه ته ورکوله، په کابل کی د ملی خاینانو دولت سره یوځای کړي او په دی توګه د غنی- عبدالله جهادی- مافیایی دولت سرجنایتکارانو ټولګه مکمله کړي.

مونږ په کراتو ویلی چی امریکا ته د افغانستان خلکو وینه او اوښکې هیڅ ارزښت نلری. بنست‎پالې‎روزونکی امریکا په تیرو ۱۵ کلونو کی د خپلو کرغیړنو او نیواکګرو سیاستونو مخکی وړلو په موخه د هیواد او خلکو برخلیک د سیاف، محقق، قانونی، فهیم، خلیلی، دوستم، اسماعیل، ملاتره‌خیل، عبدالله، ربانی او ځنارو طالبانو په لاس کی ورکړ. سره له دی چی د کرزی او غنی فاسد او جاسوسانو ډک دولت د ګلبدین له پیژندل شوو انسان‎وژونکو- فاروق وردک، کریم خرم،‌ هادی ارغندیوال، عمر داوودزی،‌ محمد خان، جمعه خان همدرد، وحیدالله سباوون، حلیم فدایی او...- ډک وو، خو اوس د کابل قصاب له لا زیاتو امتیازیاتو سره چی د هغې ډلې امنیتی خوندیتوب، په دولت کی د لا ډیرو ځناروو سپو ګمارل، په ډیرو مسایلو کی سلا مشوره وکول او د ملګرو ملتونو له تور لیست څخه د هغه او ترهګرو نومونه یی لری کول، د کابل ویرجن او د هغه د بانډ د قربانیانو په وینو نمناک ښار کی ګام ایږدي.

زموږ په دردیدونکی ملت څه خوابدوونکی او ناوړې لوبې نه کیږی. دا ځل د امریکا په پلوی د ځورونکی ډرامې "د پاریس کنفرانس" ترسره کول دی، چې شمالی ټلوالې، طالبان، د ګلبدین ګوند، القاعده، ملی جبهه، د سولې عالی شورا، ملی ائتلاف، د حق او عدالت ګوند او یو شمیر نور جلادان یې راټول کړل، څو زموږ خلکو ته "سوله" راولی.

اصلی ستونزه دا نده، چې ولې دغه کسبی انسانوژنکی بانډونه د وینو ککړ لاسونو سره یوځای ناست او د سولې نارې سورې وهی؛ دا هم ستونزه نده، چې د دغو خاینینو د "جوړ جاړی" بې ځایه ادعا چې د ګډ دولت جوړیدو ته ورسیږی او د خلکو یووالی او نور آرامښت لپاره له وړاندې کوی؛ اصلی مسئله دا ده، چې د امریکایی نیواکګرو تبلیغاتی ماشین او د دوی ټول لاسپوڅی راپاریدلی او د "کارپوهانو"، "شنونکو" او پر امریکا خرڅ شوی او د لاس مهرې لکه ظریف نظر د "آزادۍ راډیو"، ډاکټر اکبر وردک، ډاکټر احمد مهجور، وحید مژده او د نورو له لارې د پاریس کنفرانس حادثه ګڼی او په داسې شور او غلمغال سره له دغې څخه خبرې کوی، ښایی چې د افغانستان خلک یوازې همدغه یو انتخاب لری او که چیرې سوله غواړی نو باید د دغو جلادانو خبرو ته غاړه کیږدی، ځکه چې هغوی د افغانستان بر لاسه "رهبران" ګڼل کیږی چې یوه ډله یې په قدرت کې برخه لری، بله ډله "ښاغلې په وسلو سمباله ډله" او بله یې"پرته له وسلو ښاغلې ډله" شمالی ټلوالې ده او د دوی په جوړ جاړی سره به په افغانستان کې سوله او سوکالی حاکمه شی.

«د افغانستان تجزیه» د پښتنو او ناپښتنو توکم پالو ذاتی خیانت

د افغانستان خپلواکي او د امریکا د ګټو ساتونکي

د امریکا کلمه ویونکو او د افغانستان د خپلواکۍ دښمنه روڼ اندو په اړه مو اشاره درلوه، چې په دې لیکنه کې یې په پراخه توګه څیړلی نه شو. دلته د هغوی د دوو ټیپیکو استازو اندونو ته ځغلنده کتنه کوو، ځکه چې طالبان او ونډه وال یې د سلطانزوی او نوشین ارباب زاده د پنټاګون خوښوونکو خبرو په استناد د «آی اس آی» او «واواک» د ناولو اوبو له ډنډ څخه د هېواد پالو او آزادۍ غوښتونکو روڼ اندو پر وړاندې ناولتیا بادوي.

داوود سلطانزوی:

هغه چې معترضو نوماندانو سره یوځای د امریکا سفارت تر مخې یې سر ټکاوه، د امریکا په «آزادۍ راډیو» (د آزادۍ په څپو کې د چنګاښ ۹، کال ۱۳۹۰) کې یې شرم یوې خوا ته غورځولی او د (سي آی ای) تزونو سره په یویشتمې پېړۍ کې د نیواک مفهوم بې ځایه بولي:

«د افغانستان تجزیه» د پښتنو او ناپښتنو توکم پالو ذاتی خیانت

لومړی برخه | دوهمه برخه | څلورمه برخه | متن فارسی


عوض نبي زاده له خادي توب څخه تر بنسټپالۍ پورې

که چیرې لطیف پدرام د ټولو پرچمي او جهادي هېواد پلورو قدي هنداره ده، خو بیا هم که د عوض نبی زاده نظریاتو ته ځغلنده پام وکړو لیدل کېږي، چې هرکله د یوه هیواد پلورې تکیه ګاه شوروي اتحاد له منځه ولاړ او د ماتې په حال کې وحدت ګوند سره یوځای کېدلو ته یې غاړه کېښودله، خپله خوله د هماغو څیزونو لپاره شلوي، چې پیل یې د ربړونکي لطیف خان پر غاړه ؤ، هغه، سلطان علی کشتمند، ډاکتر عسکر موسوی، کریم میثاق او ... د هزاره خلکو غلیمان دي، ځکه چې د ټولو قامونو سره د رښتینو ستمګرانو پښتانه او ناپښتونه چارواکو پر ضد د پیوستون په اړه د پوهاوې پرځای د واواک په امر د «بابه مزاري» او «استاد محقق» او... په نوم د پښتنو پرضد د هزاره وګړو د فکر خرابولو لپاره ژوند کوي.

ښاغلی نبي زاده هم د «فیډرالیزم» په جنډې لوبې کولو سره مینه لري. هغه په «فډرالي نظام د افغانستان اوسنۍ حل لاره» لیکنې کې امریکا د ژوند سرچینه بولي(٢١) او غواړي د نیواک او مافیایي دولت تر سیورې لاندې «فیډرالي نظام» کې مزې وکړي.

«د افغانستان تجزیه» د پښتنو او ناپښتنو توکم پالو ذاتی خیانت

لومړی برخه | دریمه برخه | څلورمه برخه | متن فارسی


ملی یووالی

هرهغه څوک چې زړه یې په افغانستان کې د یوملت په بڼه دقامونو پیوستون او «ملی یووالی» ته درزېږی، که کومه بد نیتې ونلری نو ښایې د ملی یووالی د کمزوری کېدلو اصلي علت – جنایت سالاران او ونډه والو ـ ته پام واړوي او هغوې ټول د ملی خاینانو او اړغېږنې یا ځان ځاني اچوونکو او ملی یووالی د خنډ په توګه رسواکړی. ملی یووالی چې دبل هر مفهوم په پرتله لاډېر لړل شوی دی او د نادرشاه له وخته تر ګوډاګیانو او جنایت سالارانو او کرزی پورې یې هغه د خپلو خاینانه او ولس غولوونکو موخو د پټولو د پاره هر سهار او ماښام په ډېرو ولولو په ژبه اړولی او اړوی یې، هاغه وخت مطرح کېدلای شی چې ملت، خپلواک او آزادې غوښتونکی دولت ولرې او په لیکه کې یې سرخاینان او سرجنایت سالاران ونه وینی. دملی یووالی موخه پرته د خپلواکۍ، دموکراسۍ او ټولنیز عدالت ځینې بل څه کېدلای نشی. جنایتسالارانو دری واړو شعارونو سره خپله دښمنې ثابته کړې ده. پایله دا، هر هغه څوک چې د دغو خاینانو څخه یو هم ښه وبولی، د «ملی یووالی» په اړه د نظر ورکولو حق نلری ځکه که پخپله پوهېږی او که نه پوهېږی خامخا به د «سی آی ای»، «واواک» یا «آی اس آی» تر امر لاندې وی. هغوی د ملی وحدت غوښتونکی نه بلکه د خاینانو د یووالی غوښتونکی دی او د «ملی یووالی» په نوم غواړی زموږ ملت د جنایتکارانو تر ولکې او امر لاندې راولې.

«د افغانستان تجزیه» د پښتنو او ناپښتنو توکم پالو ذاتی خیانت

دوهمه برخه | دریمه برخه | څلورمه برخه | متن فارسی


کله چې په یوه هېواد کې دموکراسی ضد، زورواکه او د بهرنیو ځواکونو لاسپوڅې ډلې واکمنې وی، هغه هېواد داسې رنځېدلی بې پناه ښځې ته ورته والی لری چې پرشاوخوا یې لنډغران راټول او ورپورې خاندی، په کاڼو یې وهی، ښکنځی یې او دبې پته کولو ګواښونه ورته کوی.

افغانستان دشوروی او اړونده ګوډاګی دولتونو تر یرغل وروسته او په تېره بیا د جهادی وینو او خیانت او طالبانو د پېر څخه تر نن پورې، داسې یوې یواځې او بې وزلې مورته ورته والی لری چې له هرلوری پرې تورونه لګول کېږی، سپکاوی او ګواښونه ورته کېږی. هغه داسې مورده چې سپېڅلی او سرتېری بچیان یې ټپی او یو تربله بېل دی خو خاین اولادونه یې دهغو لنډغرو او تېری کوونکو سره یوځای شوی چې په خپلې خور او مور تېری کوی او دخپلو بهرنیو څښتنانو د خوښی او مقام او دبدبې ته د رسېدلو لپاره دخپلې مور پلورلو ته هم چمتووالی لری.

د بشر د حقوقو نړیوالی ورځ په اړه «د افغانستان د ښځو انقلابی جمعیت» اعلامیه

امریکا او هم لاسو یی د افغانستان وسله وال نیواک «افغان ولس ته د آزادی او دموکراسی سوغات» په نوم توجیه کړ. لکه چی د وروستیودریو لسیزو تجربی وښودله ،امریکا د مونږ د خلکو د برخلیک په وړاندی اساسا خپلی اقتصادی او سیاسی گټی په پام کی نیولی او تر ټولوهیواد پلوری، تر ټولو دموکراتیک ضد، فاسد او تر ټولو ښځو ضد بنسټپالی بانډونه یی سمبال او تجهیز کړی دی.

زمونږ دهیواد وروستیو اوښتونونو د یوزر او یوم ځل لپاره د امریکا «تروریزم ضد جگړی» د ادعا درواغ دلمر په شان روښانه کړل. امریکا د شمال ټلوالی جنایتکارانو باندی په ډډی لگولو سره د دموکراسی، بشری حقونو، ښځو حقونو او نورو ارزښتوباندی په بی ساری ډول ملنډی ووهلی او په دی ډول یی زمونږ په ویرجن ملت باندی نه بخښونکی زیاتی او سپکاوی لورولی دی. امریکا چی خپل پلوی دولت یی د پلچرخی د پولیگونونو، د چمتلی د دښتی، کاپیسا، د کنړونو د کرالی، د مزار د دشت لیلی، د ۶۵۰۰۰ کابلیانو د ټول وژنو او د هیواد په گوټ گوټ کی د نورو لسگونو ټولیزو قبرونو له عاملینو څخه جوړ کړی او اوس هڅه کوی چی د ملا عمر او گلبدین په شان ناولو جلادانو ته هم پکښی برخه ورکړی چی دغه عمل د تروریزم ضد جگړی او آزادی او دموکراسی د ملاتړ په اړه د امریکا او هملاسو تر ټولو لویه دوه مخی په ‌ډاگه کوی.

«دافعانستان د ښځو انقلابی جمعیت» (راوا) اعلامیه د ښځو نړیوالی ورځی په اړوند

نن چی د ښځو د نړیوالی ورځی دلمانځلو څخه سل کاله تیریږی، پرمخ تللی هیوادونو کی ښځی په خوشحالی سره هغه جشن نیسی، ولی مونږ مجبوره یو چی دهغه دردونو، مصیبتونو او ځورولو څخه یادونه وکړو چی زمونږ خلک او په تیره بیا ښځی په کی سوځیږی. اووه کاله تیر شو، هغه هیواد چی امریکا او پلویان یی په دروغو او غولونو سره دعوا کوی چی ورته یی سوله او دموکراسی په ارمغان راوړی او ښځی یی ورله دطالبانو د منګلو څخه خلاصی کړی دی، تراوسه هم د بنسټپالی په دوزخ کی سوځی. انجونی د سپی سره بدلیږی، پر ښځو او ماشومانو تیری کیږی، هغه سړی چی د جهادی آرګاه و بارګاه تر پلوی لاندی دی خپلی ښځی په بیرحمانه توګه وژنی، خو ټکیدلی اوبی ورباندی اړوی، غوږونه، پوځی او ګوتی ورله غوڅوی، بی ګناه ښځی سنګساریږی او دکرزی مافیایی دولت په نه ستړی کیدونکی توګه په جوړجاړی کولو، جنایتکارانو او غلو په ستایلو بوخت دی او دخپل بی شمیره کلیکسیونو څخه هغوی ته مدالونه ورکوی. خو ښاغلی کرزی ته دا ‌ذره هم مهمه نده چی مدال لرونکی غل او انسان وژونکی عطامحمد، د پرویز کامبخش په نوم ځوان بی کوم جرم او ګناه درلودلو پرته په زندان کی اچولی او د فضل هادی شینواری په څیر څو خونړی او مکارو قاضیانو یی د هغه اعدام حکم ورکړی دی.

Page 1 of 5

آخرین مطالب